tikapurfm

सिद्धार्थ टोलविकास संस्थाको पहिलो साधारण सभा सम्पन्न

टीकापुर नगरपालिका वडा नं. १ शंकरपुर स्थित सिद्धार्थ टोलविकास संस्थाको पहिलो साधारण सभा भएको छ । संस्थाका अध्यक्ष भीमबहादुर भण्डारीको अध्यक्षमा सम्पन्न भएको हो ।

साधारण सभामा जाजरकोटमा भुकम्म गएको बेला संस्थाको प्रतिनिधित्व गर्दै भुकम्प पिडितलाई श्रमदान गर्नुभएका संस्था सदस्य कृष्णबहादुर घर्तिमगरलाई सम्मान गरिएको छ । भने अल्पायुमै मृत्यु भएका संस्थाका सदस्य सुनिता चौधरीको परिवारलाई श्रण्द्धाण्जली सहित टोलका सम्पुर्ण सदस्यले सक्दो नगद रकम उठाएर सहयोग रकम हस्तान्तरण गरेको छ ।

टोलविकास संस्थाले स्थापना कालदेखि रु २०० का दरले मासिक रकम उठाउने गरकोमा हालसम्म १ लाख ५० हजार ४ सय २६ रुपैयाको कोष स्थापना गरेको छ । जसमा १ लाख ३१ हजार रुपैया ऋण लगानी गरेको विविध खर्च ३ हजार ७ सय खर्च भएको र१५ हजार ७ सय २६ रुपैया बचत रहेको संस्थाका सचिव जनक रावलले जानकारी गराउनुभयो ।

साधारण सभाका प्रमुख अतिथि टीकापुर नगरपालिका वडा नं. १ का अध्यक्ष मोहन लुहार विकले वडा नं. १ भित्र ११० वटा टोलविकास संस्था रहेको जानकारी दिनुभयो । उहाँले नगरपालिकाको विकास निमांणमा सहयोग गर्ने सहयोगी संस्थाका रुपमा टोलविकास संस्था रहेको बताउदै टोलबासी र नगरपालिका बिचको सम्बन्ध सुमधुर बनाउन यसले सघाएको बताउनुभयो ।

अध्यक्ष बिकले टोलविकास संस्थाको कोष परिचालन बारे कार्यविधि नबनेकोले यसले पछि टोलविकास संस्थाको लक्ष्य र उद्देश्य माथि नै समस्या निम्त्याउने भएकोले, कोषमा जम्मा भएको रुपैयालाई छलफल गरि सदस्यहरुलाई फिर्ता गर्न सुझाव दिनुभयो ।

सगरमाथा टोलविकास संस्थाका अध्यक्ष अमित चौधरीले टोल विकास संस्था टोलवकास संस्थामा हुने नियमित छलफलले क्षमता विकास भएको बताउनुभयो ।

टोलविकास संस्थाका कोषाध्यक्ष शुशिला शर्माले टोलविकास संस्थाले एक टोलले गरेको राम्रा अभ्यास अर्को टोलले सिक्ने अवसर प्रदान गरेको बताउनुभयो ।

संस्थाका सदस्य जमुना बमले स्वागत गर्नुभएको कार्यक्रम पद्माकुमारी बम मल्लले सञ्चालन गर्नुभएको थियो ।